SA HATAAS nga panahon nga among gibugtaw
Dinuyogan sa among paninguha ug pagtukaw
Miabot gyud ang panahon nga kami mogradwar na
Ug seguradong amo nang madawat ang diploma.
Salamat, Ma’am, Sir, sa inyong mga ayuda!
Sa inyong pag-alima kami makagradwar na.
Dili namo mahikalimtan inyong pag-amuma
Aron molambo ug mohayag ang among ugma.
Karong nahuman na mi sa among pag-eskuyla
Among pasalamatan among maestro ug maestra
Sa sakripisyo ninyo nga wala gayuy sama.
Busa ang dako namo nga pasalamat dawata.
Sa among pagpaso modasig namo inyong pahiyom
Malipayon kamo nga kami gayud nagmalampuson.
Salamat kaayo sa disiplina nga inyong gipatuman
Sa among mga kasingkasing dili kamo malimtan!