MANILA - Magarbohon ang Comedy Queen nga si Ai Ai delas Alas tungod kay ang iyang batan-ong mister nga si Gerald Sibayan mo-gradwar na sa pagka-piloto sa umaabot nga November.
Gusto ni Gerald nga mamahimong commercial pilot og gusto niyang mag-trabaho sa Philippine Airlines o kaha sa Japan Airlines.
Ang gusto kuno ni Gerald, kong pilot na siya, iya na kunong pahunungon si Ai Ai sa pag-artista tungod kay kaya na niya kining buhion pero morag wala pa sa bokabularyo ni Ai Ai ang mag-retire tungod kay daghan pa siyang mga obligasyon ilabi na sa mga kaparyentehan niya nga iyang gisuportahan hangtud karon.
Sa laing bahin, ipasundayag na ang lilas ni Ai Ai sa umaabot nga May 8 nga giulohan og “Sons of Nanay Sabel” diin kauban niya ang grupong Ex Battalion.
Riot ang maong lilas, although sa kasamtangan medyo nagkaus-os na ang popularidad sa XB unlike last year pero I’m sure may mga fans pa sila nga gusto silang makitang mo-arte.
Ang last nga pelikula ni Ai Ai mao ang School Service diin ang role nya, namalimos siya kauban ang pipila ka bata nga iyang gikidnap para magpalimos.
Bad si Ai Ai sa nahisgutang lilas pero in the end, nagpaka-hero siya tungod kay sa dihang maligsan na ang usa kabata nga iyang gikidnap ug gihimong makalilimos, siya ang mibabag ug siya ang naligsan.
When it comes to acting, versatile si Ai Ai. Nag-excel siya sa comedy pero kung drama naman, super galing sad siya sa drama.
Wa na siguro’y mahiling sa Taas si Ai Ai, hangtod karon okey ang iyang career, aduna siya’y batan-on nga bana nga mahal na mahal siya, ug daghan nagmahal kaniya ilabi na ang mga tawong iyang gitabangan ilabi na ang iyang charity.