NALUWAS sa gituohang human trafficking ang 15 anyos nga dalagita nga taga Negros Oriental human mabantayi ang iyang kuyog nga 60-anyos nga Greek gikan sa Dumaguete sa mga awtoridad sa Cebu South Bus Terminal niadtong Abril 30 sa gabii.
Matod ni CSBT general manager Jonathan Tumulak nga ang Greek national ug kunsabong Pinay ilang nasikop sa terminal human nila mabantayi pinaagi sa CCTV nga ang langyaw nitunol og kwarta sa babaye. Giduol dayon sila sa kapulisan ug Civil Security Unit. (RTF sa SunStar Cebu)