Daclan: Jodi paluyoluyo ang proyekto

BISING-BISI ug bidang-bida na usab ang Jodi Sta Maria. Gawas sa mga endorso, gisugdan na usab niya ang iyang bag-ong primetime teleseryeng “Sino ang Maysala, Mea Culpa” niadtong Lunes.

Dili lang si Jodi ang inyong masundan dinhi kondi lakip na ang mga bag-ong abogado nga nakabuhat og sala nga may kalambigitan sa usa ka bata.

Gibituonan sad ni nilang Bela Padilla, Ketchup Eusebio, Tony Labrusca, Kit Thompson, Janice de Belen ug Agot Isidro.

May Mother’s Day offering usab nga pelikula ang Jodi Sta. Maria nga hapit na nato makita sa atong mga paboritong sinehan.

Ang “Man and Wife” diin leading man niya si Gabby Concepcion.

Nahimong isyu ang gibuhat nga mga intimate scenes dinhi ni Gabby ug Jodi nga sa unang higayon nagpaka-daring.

Sa sulti pa ni Jodi maora siyag naloka sa eksena nila ni Gabby nga nag-love scene dayon sa first shooting day pa lang. Wala baya siya maanad ani nga klase sa eksena, nga kausa pa niya nabuhat sa teleseryeng “Pangako sa iyo”.

Apan bisan pa og dili komportable sa usag-usa nahimong malampuson kini, kon si Jodi ang pasultion super gentleman daw kaayo ang Gabby Concepcion.

Unsang klase kaha sa bed scene ang ipakita dinhi isip magtiayon? Sa nakita nato sa trailer mahimong makatrayangulo nila si Liza Lorena isip inahan ni Gabby ug bale ugangan ni Jodi. Mga problema nga pampamilya ug may kalambigitan usab sa mga ugangan, nga tipikal sab natong madunggan nga problemahon sa manag-tiayon. Gikan sa Cineko films ug sa direksyon ni Laurice Guillen.

Makauban nila dinhi silang Amy Austria, Ina Feleo, Denise Laurel, EA Guzman, ug Francis Magundayao.

Karong Mayo 8 na ninyo makita sa mga sinehan ang “Man and Wife” ug manuntan usab ninyo matag gabii sa primetime bida ang teleseryeng “Sino ang Maysala: Mea Culpa.” ay’g saba!