ANG gipaabot sa kadaghanan nga debate sa mga kandidato alang sa pagka mayor ug bise mayor sa syudad sa Sugbo mahinayon na.

Himuon kini karong Lunes sa ala 1 hangtud sa alas 3:30 sa hapon, Mayo 6, sa City Sports Club sa Cebu Business Park sa Dakbayan sa Sugbo.

Pinasiugdahan kini sa Integrated Bar of the Philippines, Cebu City Chapter.

Apan pangulo sa IBP Cebu City chapter, Atty. Regal Oliva, nanghinaot nga si vice mayoralty candidate, Atty. Michael Rama, mosalmot.

Gitug-an ni Oliva nga ang kampo sa Bando Osmena Pundok Kauswagan (BOPK), nga nag-apil kang Mayor Tomas Osmeña ug runningmate Konsehal Mary Ann delos Santos nipadayag og kaandam nga mosalmot.

Samtang sa team Barug PDP Laban, si incumbent Vice Mayor Edgardo Labella, magpapili pagkamayor, nisanong sa imbetasyon alang sa usa ka debate.

Gipaabot pa hangtod karong adlawa ang kampo ni Rama nga mosanong.

Wa usab nisanong ang laing tulo ka mga independente nga kandidato sa pagka-mayor ug bise mayor sa syudad sa Sugbo.

Matod ni Oliva nga tanan sila ang gipadad-an og pormal nga imbetasyon.

Guidelines

Ang guidelines alang sa debate han-ay na usab, pipila niini, mao nga ang mag-moderator naggikan sa IBP.

Ang IBP molabay og 12 ngadto sa15 ka mga pangutana nga may labot sa isyu sa syudad ngadto sa mga kandidato.

Ang mga kandidato patubagon, alphabetically.

Human niini, ang matag kandidato hatagan og higayon nga makapangutana ka-lima ka higayon sa ilang mga kaatbang.

Gihatagan usab ang matag kandidato og lima ka minutos nga motubag ug duha ka minutos nga rebuttal.

Gipaniguro ni Oliva nga di mahitabo nga sobra ka personal nga mga pangutana ang ilabay sa usa ka kandidato ngadto sa iyang kaatbang.

Ang debate adunay board of adjudicator nga mopakgang o moaprubar kon ipatubag lang ba sa kandidato ang usa ka isyu ilabi na kon subraan na ka personal.

Usa mga adjudicator, pari ug anaa sa academe, di lang puro abogado.

“Then that is where the debate will really happen, if the candidate asks questions to the other candidates. For IBP questions we gave them guidelines as to what will be the questions be, but as to the questions that will be asked from one candidate to the other, the parameters will be as deep and as wide as they can. But we have a board of adjudicators who will be deciding if the questions will be answered or not, so if the question is very personal already so our board of adjudicator can say, do not answer the question, and proceed to the next question,” pagpasabot ni Oliva.

Gipaniguro nila nga walay mahitabo nga pagkantyaw ug gibawal ang pag-cheer atol sa debate.

Ang matag kampo sa magpapili pagkamayor ang gihatagan og 150 ka mga ticket alang sa mga buot niini nga patambungon nga mga supporters. Ug 50 sa matag kandidato alang sa pagka-bise mayor.

Gipasabot ni Oliva nga daku nga tabang alang sa pagpili sa mga botante sa ilang pagbotar ang maong debate.

Katapusan nga nasaksihan sa publiko sa dakbayan sa Sugbo nga debate, niadto pang 1990’s.

Gipasalig usab sa IBP ang seguridad sa mga kandidato ug bisan na sa mga mosuporta sa matag kampo, atol sa maong kalihukan.