SUPERBALITA CEBU

40 ka Malasakit centers tukuron

USA ka tuig human gilusad ang Malasakit Center sa Sugbo, mas palapdan pa kini lukop nasod diin laing 40 ka mga Malasakit Centers ang tukoron.

Unang gibutang ang Malasakit Center sa administrasyong Duterte sa Vicente Sotto Memorial Medical Center sa Sugbo niadtong Pebrero 2018.

Sa pagkakaron, anaa nay 34 ka Malasakit Centers sa nasod.

Ang Malasakit Center usa ka one-stop shop diin gihiusa niini ang nagkadaiyang mga ahensiya sa gobyerno, nga naglakip sa Philippine Health Insurance Corporation (Philhealth), Philippine Charity Sweepstakes Office (PCSO), ug Department of Social Welfare and Development (DSWD).

Karong tuiga lang, dul-an sa P10 bilyones ang budget alang sa maong libre nga medikal nga serbisyo alang sa publiko.

Niabot nag P300 milyones ang medical assistance funds nga napagawas pinaagi sa Presidential Socio-Civic Funds sa Office of the President.

Moabot usab og 100,000 ka mga pasyente matag buwan ang natabangan na niini.

Lakip sa mga dapit nga anaa na’y Malasakit mao ang Tacloban, Iloilo, Puerto Princesa, Bacolod, Manila, Maasin, Dumaguete, Davao, Pampanga, Bohol, Butuan, Cagayan De Oro, Zamboanga, Bicol, Cotabato, Sultan Kudarat, Bulacan, Batangas, Cabanatuan, General Santos, Tarlac, Dagupan, Navotas, Lucena, Surigao, Dapitan, Dipolog, Pasay, Northern Samar, Biliran, Western Samar, ug Bataan. (HBL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph