NAPATAY human nakigpinusilay sa pulis ang gikonsiderang lider sa mga gang sa Barangay 76-A, Bucana atol sa gilusad nga buy-bust operation, Sabado sa kaadlawon, Mayo 4, sa Purok 14-B, Busna.
Giila ang napatay nga usa ka alyas Joven, 17-anyos, traysikol drayber ug residente sa Purok 12-B, Saint John, Bucana.
Subay sa report sa San Pedro Police Station gipailawom sa buy-bust operation ang suspek diin mibunlot kini'g pusil dihang iyang namatikdan nga pulis ang iyang katransaksyon.
Usa ka .38 kalibre nga armas ug mga linikit sa gituohang marijuana ang nakuha sa posisyon sa suspek.
Giingon nga lider sa mga gang ang suspek sa dapit ug maoy utok sa sunod-sunod nga kawat, riot sa ilang barangay ug maoy nagtulis sa usa ka taxi drayber ning bag-o lang, sumala sa kapulisan.