SUPERBALITA DAVAO

Asawa dili makighilawas kay giregla, bana nag-wild

NAKATAKDANG maghusay sa Barangay R. Castillo, Agdao District Davao City ang magtiayon ug ang reklamante nga inahan sa babaye gumikan nasumbagan ang iyang anak sa pag-wild sa bana.

Ang insidente nahitabo alas 11:25 sa gabii, adlaw’ng Sabado, Mayo 4, sa Katambak Street, sa maong barangay.

Mismong si Renaida (bansagon gipatago), 62-anyos, inahan sa babaye nga si Gerlyn ang midangop sa barangay ug sa kapulisan sa Sta. Ana Police Station aron ipa-blotter ug ireklamo ang bana sa iyang anak nga si Dante, 44-anyos, machine operator sa usa ka kompanya.

Sa impormasyon nga nahipos sa SunStar Superbalita Davao gikan sa Women and Children Protection Desk (WCPD) sa police station 1 nga dihang nahinanok na si Gerlyn, miabot ang bana niini nga gikan sa trabahoan kinsa lango sa ilimnong makahubog.

Dihang nakita ni Dante nga anaa nagbuy-od sa kama ang iyang asawa, giingong mihangyo kini nga mag hilawas sila.

Gilayong mipasabot si Gerlyn nga giregla siya.

Didto hilabihang ulbo sa kasuko sa bana kinsa gipanglabay sud sa ilang balay ang ilang mga gamit ug nasumbagan ang asawa usa ka higayon sa bukton.

Sa kasamok gilayong gikuha sa apohan ang duha nila ka gagmay’ng anak, diin nasaksihan niini ang pagpangdapat ni Dante, hinungdan nga siya ang mireklamo kay inahan siya.

Wala na sab gipapriso ni Gerlyn ang iyang bana gumikan wala nay mangita og pagkaon sa ilang mga anak, apan nakatakda nga mag-abot sila sa barangay aron didto sila maghusay.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph