SECTIONS
Sunday, August 25, 2019
SUPERBALITA CAGAYAN DE ORO

Dongkoy dili bedridden: Elipe

CAGAYAN DE ORO. Nasigpatan si kanhi Mayor Vicente Emano sa usa ka kalihokan. Si Dongkoy gikataho nga bedridden hinungdan nga dili kini makita sa mga kampanya. (Stephanie V. Berganio)

DILI bedridden si kanhi Cagayan de Oro City Mayor Vicente “Dongkoy” Emano sumala sa mga naggawas nga taho tungod kay dili kini makita sa mga mga kampanya.

Gitubag ni Sangguniang Panlalawigan Board Member Prexy Elipe kinsa awas ni Dongkoy nga style na niini kaniadto pa ang dili kaayo mouban sa kampanya.

Si Dongkoy kasamtangan nga magpapili pagka-bise mayor sa siyudad kotra kang kasamtangang bise mayor Kikang Uy.

“He's doing okay, I am happy to divulged nga he is in good shape, in fact kanang ilang giingon nga gasige panigarilyo, he’s lungs are clear, nagstop naman siya dugay na ug gwapo kaayo ang resulta sa iyang lungs, So I don’t know why gakataranta ang mga kaatbang,” matud ni Elipe kinsa bana ni Kagawad Nadya Emano.

Dugang niini nga natural ang health check-up labina sa pangidaron niini.

“Natural mana ang health check-ups kinahanglan tan-awon. The more you aged in this world the more nga magpa check-up ka pirme para mahibaloan kon naa bay problema sa imong panglawas,” dugang ni Elipe.

Dugang sab niini nga kung tinoud nga bed ridden kini dili matago ug unta pabor sa iyang kaatbang.

Mamatikdan nga sa matag imbitasyon sa candidates forum ug mga debate no show kini ug panahon sab sa kampanya sa slate ni Dongkoy wala gyod ang presensya niini ug kanunay lang garepresentahan sa iyang mga anak matag kampanya ug sa matag gabii nga rally.

Adunay mga rally nga si Kagawad Nadya ug igsuon niining si Evie Emano maoy moestorya morepresenta kang Dongkoy diha sa kampanya.

“Nakadumdom paba mo atong panahon nga siya ang incumbent mayor and in every campaign dili gihapon siya og pangampanya and thats his style. Ang nahitabo lang karon naningkamot ang iyang mga anak,” dugang ni Elipe.

Mikatap sa social media nga giingong rason nga dili gapakita si Dongkoy sa matag kampanya kay daw “bedridden” kini ug kanunay gaibalik balik sa tambalanan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph