HEPE sa Cebu City Police Office (CCPO) hugot nga mihimakak sa pasangil ni Mayor Tomas Osmeña nga nalambigit siya sa ilegal nga sugal sa lalawigan sa Bohol nga matod pa nagdawatan siyag P1 million nga payola matag semana.
Atol sa miting de avance sa partidong Bando Osmeña Pundok Kauswagan (BOPK) sa Cebu City Sports Center niadtong Dominggo, Mayo 5, gipasanginlan ni Osmeña si Police Colonel Royina Garma nga nagdawatan ug usa ka milyon ka pesos nga payola matag semana gikan sa ilegal nga sugal.
Iyang gibasehan ang suwat gikan sa Philippine Charity Sweepstakes Office (PCSO) nga nagtumbok ni Garma nga nalambigit sa illegal numbers game sa lalawigan sa Bohol sa dihang siya pa ang hepe sa Criminal Investigation and Detection Group (CIDG) Central Visayas.
Apan hugot ning gihimakak ni Garma kay alang niya karaan na ang maong isyu ug nalutsan na niya kini atol sa gihimong imbestigasyon sa Department of Interior and Local Government (DILG).
“That was a long time ago. Ang hina ng intelligence nya pero ngayon nya lang naisip o kung sino man ang nagfeed in sa kanya o masyadong obvious ang timing nya. Dyosko naman! Ang pag- usapan natin yung poker din nya na nag viral ngayon, klaro ang mukha nya, anong ebedensya ba ang hanapin mo? Eh yung sa akin it just intriga, na survive ko nga yan na clear na ako dyan tapos na history na yan,” sigon ni Garma.
Dako ang pagtuo ni Garma nganong kanunay nga rombohon sa mayor ang police tungod kay dili niya kaya ang kapulisan sa siyudad sa Sugbo nga maoy hinungdan nga siya ang gi single out niini.
Apan iyang gipasalig nga dili siya magpa-apekto sa mga pasangil nga gilabay ngadto kaniya sa mayor sa siyudad sa Sugbo ug magpadayon lang sila sa ilang trabaho alang sa kahusay ug kalinaw sa nagsingabot nga eleksyon karong Mayo 13.
"Hindi ako madedemoralize. I will still continue lahat ng activities ng mga police to make sure na this election will become honest election, hindi lang peaceful,” dugang ni Garma.