DILG-Davao nagpasabot sa order sa pagpasira sa Kapa

ANG taas og presyur sa dugo nga giingong miyembro sa Kapa-Community Ministry International Inc. kun Kabus Padatuon (Kapa), mamahimong moinom na og tambal aron di atakehon ugaling ipatuman na sa Philippine National Police, National Bureau of Investigation, ug tanang Local Government Unit ang mando sa Department of Interior and Local Government (DILG) national nga ipasirado sa KAPA.

Subay sa usa ka eksklusibong interbyu sa usa ka sikat nga local online news portal sa Davao Region ngadto kang DILG-Davao director Alex Roldan, gipasabot sa opisyal ang usa ka kamandoan kun order nga gikan sa DILG national.

Giingon sa order sa DILG nga kung dili ipatuman ang pagpa-implementar niini sa matag dapit, mismong makasuhan ang mayor sa lugar diin asa dunay Kapa.

“Ang mayor man ang manubag niini, ang pulis, ang head sa NBI, kung dili ni siya masira, manubag sila sa SEC, mo-explain sila,” ingon ni Roldan kung di sila motuman sa legal order sa DILG national.

Giseguro sa kamandoan nga kinahanglan walay buhatan sa KAPA sa ilang matag siyudad kay kung naa, manubag ang Local Government Unit (LGU).

Dugang ni Roldan nga walay gipili nga takna ang pagpatuman sa kamandoan diin gihatagan og gahum ang mayor ug ang mga ahensya nga gi-deputized sa Securities and Exchange Commission (SEC) og 15 ka adlaw aron mohatag og report sa ilang gihimong pagpatuman sa kamandoan batok sa Kapa.

“Bisan unsa pa’y mahitabo, dili mahugno ang Kapa, pagpangdaut lang na nila, mag-invest pod diay sila. Motuo mi kay nakadawat nami kaduha,” ingon ni Marisol (nagpatago sa bansagon), 37-anyos, taga Piapi, Boulevard, Davao City kinsa miyembro sa Kapa ning siyudad.

“Wala mi personal nga interest niani sa Kapa, wala mi labot niani, ang amoa lang is gisunod namo ang order sa SEC nga ipatuman na gayod ang pagpasira sa KAPA,” sa bahin sa DILG-Davao director. (Superbalita Davao)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph