ALANG sa iyang mga soud nga higala pabiling kwestyonable ang kamatayon sa kapitan nga gipatay niaging mga semana sa lungsod sa Balingasag, Misamis Oriental.
Gipatay si Barangay Napaliran Kapitan Claver Miral dihang pauli na unta gikan mitambong sa birthday party sa lungsod sa Jasaan ug pagdangat sa lungsod sa Balingasag gipusil sa wala mailang suspetsado.
Unang misulti si Misamis Oriental Provincial Director Police Colonel Rolando Destura giwala na nila ang posibilidad nga pulitika ang motibo niini.
Niaging mga adlaw duha ka mga person-of-interest ang giimbestigahan may kalambigitan niini ug pipila ang nikonsidera niining closed na ang kaso.
Apan pabiling kwestyonable kini alang kang Misamis Oriental reelectionist Governor Bambi Emano tungod aduna gihapon siya’y mga pagduda.
“Dunay duha ka suspek nga nadakpan for illegal firearms not related to the killing of Kapitan Miral, but ang gusto nila ipagawas closed na ang kaso para dili politically motivated but it's election season, very complicated his supporters think otherwise but we will respect what the police has saw will be ruling on,” matud niini ug malaumon nga unta ang madakpan ang tinoud nga suspetsado.
Gibalik lantaw ni Emano kung unsa sila nagsugod ug kasoud ni Miral ug nagtinabangay dihang nagpapili pa siya tuig 2013 pagka-gobernador ug pagsuporta niya sa kandidatura niini pagka-kapitan nga kaniadto napilde karon nahatagan kahigayonan.
“That’s how close we are, ingon ana mi kasoud karon nawad-an,” dugang ni Emano ug miingon nga tulo ka angulo gisulti sa iyang pamilya ni Miral apan dili pa niya masulti sa kasamtangan.
Gipasalig sab niini nga kung matapos ang election iya kining tutokan nga mahatagan og kasulbaran ang kaso ug madakpan ang tinoud nga suspek sa pagpatay.