KAPIN 2,000 ka kilo ang nahipos sa tinugyanan sa City Local Environment and Natural Resources Office nga mga basura sa gipahigayong plogging niadtong Mayo 2 sa dalang Velez streets, siyudad sa Cagayan de Oro.
Sa 2,000 ka kilo nga mga basura, ang upos sa sigarilyo anaa sa usa ka kilo, plastik nga mga botelya anaa sa 454.16 kilo, karton/papel anaa sa 263.40 kilos, glass 294.50, lata anaa sa 8 kilo ug residual anaa sa 1,066.85 kilo ang nahipos atol sa plogging sa mga estudyante.
Matud ni Engr. Armen Cuenca nga ubay-ubay ang ilang mga nahipos nga mga basura sa kadalanan samtang nagpahigayon og plogging kon jogging dala punit sa mga makitang basura.
Nagpasalamat usab kini tungod ipahigayon sa Philippine Crop Insurance Corporation ala 5 Martes sa buntag, Mayo 7, lunot na usab sa ika 38 ka tuig ug dako kining tabang.
“Ang Philippine Crop Insurance Corporation nga mag celebrate sila sa ilang 38 years gusto mag cleanup so aron bibo ato pud gi-invite ang BJMP (Bureau of Jail Management and Penology),” matud ni Cuenca.
Sugdan ang kahilokan karong mga alas 6 sa buntag ug mga alas 5 ang assembly time sa Pinikitan, Camaman-an hangtod na sa Nazareth nga dapit.
Gi-aghat niini ang tanan lakip na mga patigayon nga moabag ug suportahan ang paningkamot sa ilang buhatan ug sa lokal nga kagamhanan sa siyudad, nga mahinlo ang dakbayan, gumikan kay responsibilidad sa tanan ang limpyo nga siyudad.