DAGHANA diayng sikat nga artista nga naa sa “Avengers: Endgame.” Niadtong Dominggo mi nanan-aw kay wa na’y samok.
Na-amazed ko sa ilang star-studded cast labi na paggawas nilang Michelle Pfeiffer, Michael Douglas, Robert Redford, Samuel Jackson, Rene Russo ug Gwyneth Paltrow sa cameo role kay mao gud ni silay mga highest paid actors sa una.
Record-wise, ang Endgame mao na karoy second-highest grossing movie of all time nga dunay $2.188 billion gross worldwide. Naapsan na nila ang “Titanic” (2.187 billion) sud lang sa 11 ka adlaw.
Kon maapsan ba nila ang No. 1 highest grossing film of all time nga mao ang “Avatar” nga dunay $2.8 billion gross?
Mao na’y atong atangan.
Most expensive
Sa special effects ug sa kadaghang bug-at nga artista sa Endgame dili ikahibong kon niabot sa $400 million ang nagasto sa paghimo sa maong pelikula.
Ang nagpabiling official record-holder nga “most expensive movie of all time” ang “Pirates of the Caribbean: On Stranger Tides,” nga mokabat sa $412 million.
Ang akong reklamo sa Endgame kay daghan kaayog plot ug mga isyu. Medyo dragging sad.
Way impact nako ang pagkamatay sa pipila ka mga superhero kay sa englis pa: “nobody is ever really dead in comics or superhero movies.”
Di ba namatay man sad si Superman sa pelikulang “Batman vs. Superman: The Dawn of Justice”? Pero sa ending nabanhaw.
Visually entertaining ang Endgame pero di siya maingon nga nindot jud. Usahay mada ta sa media hype.
Kanang mangadlawon kag sinehan ila sad na. Pero for Avengers? I don’t think it’s worth it.
Eleksyon na
Mas excited ko sa umaabot nga eleksyon karong Lunes sa kadaghang mga artista nga nanglansar. Kinsa kahay makalusot ug kinsay mangaparot?
Sa senatorial, pasok gihapon ang tulo ka mga artista sa Magic 12 sa latest survey. Ambot og ngano. Kuli sad kuno nga dunay oposisyon nga makasud.
Moduyog ta sa panawagan sa pundok sa mga OPM artist alang sa limpyo ug malinawon nga piniliay.
Ayaw pagpada sa media hype. Gamita ang imong konsensiya ug dili kon unsa lay imong nakit-an sa telebisyon.