SECTIONS
Friday, September 20, 2019
SUPERBALITA CEBU

National Historical Commission of the Philippines uyon na pagguba sa Patria

ANG permit na lang gikan sa Office of the Building Official (OBO) sa Kagamhanan sa Siyudad sa Sugbo ang gipaabot sa contractor aron masugdan na ang pagguba sa Patria de Cebu sa siyudad sa Sugbo.

Si Padre Brian Brigoli, chairman sa Cebu Archdiocesan Commission for the Cultural Heritage of the Church (CACCHC), nibutyag nga nihatag na og clearance ang National Historical Commission of the Philippines (NHCP) niadtong Marso pag-demolish sa Patria.

Matod niya, giuyonan sa NHCP ang gi-revise nga desinyo sa Cebu Landmasters Inc. (CLI) nga ipabilin ang atubangan nga bahin sa karaan nga edipisyo nga nagpanuigon na og 64 ka tuig.

“With the general principle of retaining the facade, it’s okay already. The design is okay already. The thing is formalities na lang with the documents kay you cannot demolish a building without documentations. Katong mga issues sa una, na-resolved naman to,” dason ni Brigoli.

Si Brigoli nidugang nga nasumitir na usab sa CLI ang as-built plan nga gipangayo sa NHCP ug ang tubag na lang sa komisyon ang ilang gipaabot.

Siya nipasabot nga tumong sa as-built plan nga dunay documentation sa dili pa gub-on ang edipisyo labi na kon giusan kini pagtukod.

“Kay ang ila man gud requirement ipa-as built plan ang tibuok Patria. Ang amo ra man gud gi-as built ang kato rang atubangan. Gipa-as built to nila asta ang luyo ug kilid aron naay documentation before siya gub-on,” sigon niini.

Sumala ni Brigoli nga tulo ka buwan na ang nakalabay dihang giduso ang aplikasyon aron moisyu og permit to demolish ang OBO.

Ang CLI ni-revise sa orihinal nga desinyo niini human nipataliwa ang NHCP human nisupak ang pipila ka heritage advocates nga gub-on ang makasaysayanong edipisyo tungod sa heritage ug historical value niini.

Si Melva Java, commissioner sa CACCHC, sa iyang pakigpulong atol sa 11th Biennial National Convention of Church Cultural Heritage Practitioners sa Cebu Parklane International Hotel niadtong Lunes, Mayo 6, niingon nga tungod sa religious, communitarian, ug social economic rules, angay nga ipreserbar ang Patria.

“It was built with bottom up, community-based initiatives. If you conserve the Patria, I’m saying do not just look at the technology or the form, they’re in good condition. But such a complex activity as conserving,” dugang niini.

Ang Artsidyosesis sa Sugbo pinaagi ni Arsobispo Jose Palma ug CLI pinaagi ni chief executive officer Jose Soberano III nilagda og kasabotan niadtong Oktubre 29 alang sa pag-usab sa 6,670 metro kwadrado nga propiyedad sa simbahang Katoliko sa Sugbo ngadto sa mixed-use nga proyekto.

Sud sa 40 ka tuig abangan sa CLI ang propiyedad diin nakahatag na kini og pasiunang P50 milyones ngadto sa artsidyosesis isip abang. (SCG)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph