DEAR Tita Heart,
Mangayo ko og tambag sa imo. Bulag ko sa akong bana tita ug naa koy nagustohan nga usa ka inila nga tao. Akong gakabati na naa pod siya gusto sa akoa kay concern siya sa ako ug mu-chat. Single siya tita mao nga insecure kaayo ko. Imposiblihan pod kaayo ko nga iya kong magustohan sa estado sa iyang kinabuhi. Nagbulag mi sa akong bana kay naa siya lain babae nga nasapon gyod nako sa usa ka inn. Sakit kaayo to sa akoa, busa hinay-hinay ko og move on. Karon siya akong sekreto nga nagustohan pero alanganin ko. Angayan ba nako ipadayon tita? Palihog tambag ko tita.
Sierra
***
Dear Sierra,
Maayong adlaw sab kanimo. Since bag-o paka nasakitan sa gugma tungod sa gibuhat sa imong bana, ayaw lang siguro pagdali-dali. Sutaa sa og maayo kon tinud-anay iyang intensyon kanimo. Dili lang tungod kay inila imong nagustohan kay di man pod nato ma-judge kon like pod ka niya diba pero klaroha og maayo ang iyang concern sa imoha. Basin man gud nalouy lang pod siya sa imong sitwasyon. Kung alanganin ka tungod sa iyang estado, iyang tinoud nga gibati kanimo ayaw lang ipugos. Pag-obserbar lang ayaw pahinayak. Kung itugot sab sa umaabot nga kamo gyod dili naman na kinahanglan ikwestyon.
Tita Heart