3 police trainee patay sa aksidente

CAGAYAN DE ORO. Tulo ka mga kinabuhi sa police trainee ang nakalas human nabangga kining ilang gisakyan nga elf sa J.R. Borja Extension ning siyudad sa Cagayan de Oro niadtong Lunes sa buntag, Mayo 6. (Kris C. Sialana)
CAGAYAN DE ORO. Tulo ka mga kinabuhi sa police trainee ang nakalas human nabangga kining ilang gisakyan nga elf sa J.R. Borja Extension ning siyudad sa Cagayan de Oro niadtong Lunes sa buntag, Mayo 6. (Kris C. Sialana)

TULO ka mga police trainee ang nakabsan sa hinulamang kinabuhi human nga naaksidente ang gisakyang Isuzu elf mga alas 11:30 Lunes sa buntag, Mayo 6, sa J.R Borja Extension, Barangay Gusa, siyudad sa Cagayan de Oro.

Ang mga biktima nga namatay naila nga sila si Police Trainee (PT) Roigie Perpetua Bulay, PT Elbert Sheen Taping Labra, ug PT Aldred Fernandez Catane.

Ang mga samaran naila nga sila si PT Johnson Apare Aruelo, PT Rainiel Nogoy Taberna, PT Jun Antolin Kantong Fuentes, PT Mark Vincent Atay Odrunia, PT Oddsey Gungob Orgen, PT John Mark Alison Anhao, PT Joemar Guinita Bantaculo, PT Dan Lovern Umambac, PT Vito John Gilbert Acut Siblero, PT Dionex Dayagnos Berdin, PT Jeyfred Fuertes Pacubas, PT Roy Jr. Abratiguin Bagongon, PT Pedro Jr. Casinoinan Sereño, PT Junel Opaon Miso, ug PT Jovanne Villegas Dela Fuente.

Duha usab ka mga sibilyan ang lakip sa maong aksidente diin sila si Jomar Ranque Ihong ug Jesryl Bongat Wabe, kinsa usa ka helper.

Sa pakighinabi kang Police Major Julius Clark Prisco Macariola, hepe sa Police Station 3 sa Agora, gibutyag nga gikan sa Barangay Indahag ang maong mga police trainee ug paingon unta sa 4th Infantry Division aron paghatod sa mga gamit nga mga kahoy ug dagkong mga ligid alang sa motorcycle riding course.

Giingong nawad-an kini og preno ang sakyanan, hinungdan nga nideretso sa sarado nga gate apan sa kakusog sa impak nilahos ug nibangga sa punoan sa kahoy.

“Upon approaching the area, nakita natin na pababa. Accordingly, nawalan siya ng preno, sumabog yung brake niya and he loses control dumiretso siya dun sa close na gate and afterwards nag-tumble yung sasakyan to the right portion,” matud ni Macariola.

Gidugang pa niini nga nangahulog ang maong mga karga sa sakyanan lakip na ang mga biktima ug nangahulog ug nanga-igo sa mga kargang kahoy.

Dead on the spot si Bulay, samtang dead on arrival usab sa Capitol University Medical Center si Labra ug mga ala 1:48 usab sa hapon nakabsan sa kinabuhi si Catane samtang nagpaalim sa Northern Mindanao Medical Center.

Gikasubo usab kini sa tinugyanan sa Cagayan de Oro City Police Office ang kamatayon sa tulo ka mga police trainee.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph