SECTIONS
Tuesday, June 25, 2019
SUPERBALITA CEBU

CEPCA adunay special edition

USA ka espisyal nga edisyon ang pagpahigayon sa Cebu Executives and Professionals Chess Association (CEPCA) Monthly Tournament karong Mayo 26 sa Barracks Chess Club sa Robinson’s Galleria.

Kini gumikan kay ning buwana nahimugso ang kugihan ug manggihatagon nga presidente sa CEPCA nga si Jerry Maratas.

Si Maratas, kinsa usa ka engineer, mao ang ning-abaga sa ganting salapi ug snacks sa kompetisyon diin kuhaon ang qualifiers alang sa buwan sa Abril ug Mayo.

Mokabat ngadto sa P20,500 ang kinatibuk-ang ganti sa kompetisyon diin makuha sa kampiyon ang labing dako nga tipik niini nga nagkantidad og P7,000.

Ang 2nd placer makabulsa og P5,000, makaluklok og P3,000 ang 3rd placer, makalabni og P2,000 ang 4th placer, ug P1,000 sa 5th placer.

Ang mahiluna sa ikaunom hangtod ika-10 nga dapit makaangkon og P500 matag usa.

Ang rehistrasyon nagbalor og P200 alang sa mga miyembro sa CEPCA ug P100 sa mga mosalmot sa ladies ug kiddies. (ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph