SUPERBALITA CEBU

39 ka tunghaan magpaumento sa tuition

MAGTAGBO karong umaabot Mayo 22 ang Regional Multi-Sectoral Committee on Tuition and Other School Fees sa Commission on Higher Education (CHED) 7 aron pagahisgutan kining 39 ka mga higher education institutions (HEIs) nga ni-apply og pagsaka sa ilahang tuition fee sa umaabot nga school year 2019-2020.

Matod ni Melissa Castillote, CHED 7 Education Supervisor 2, nga sa 39 nga ni-apply, 14 niini ang mopasaka sa tuition fee sa ilang 1st year level lang samtang ang 25 nagtinguha nga ang tanan nilang level sa kolehiyo maumentohan.

Gipasabot ni Castillote nga magtagbo sila sa komitiba aron mahibaw-an na kon angayan ba ang gipangayo nga pagsaka sa tuition fee.

Hinuon kon anaa gihapon kini nahasubay sa 5.6% nga regional inflation rate (RIR) sa Central Visayas nga gitino sa National Economic and Development Authority (NEDA) mamahimong ila kining maaprobahan.

Niadtong 2018, 10 lang ka HEIs ang gitugotan sa CHED 7 sa 14 nga mi-apply.

Ubos sa memorandum order sa CHED kinahanglan nga ang 70% sa increase alang sa suholan sa mga magtutudlo ug sa non-teaching personnel; 20% alang sa maintenance ug pagpalambo pa sa ekipo, buildings, ug uban pa, samtang 10% alang sa return of investment sa mga stockholders sa HEIs.

Scholarship

Samtang moabit sa 101,269 ka mga tinunang ang nakapahimulos sa libring kolehiyo nga nahasubang sa Republic Act 10931 o Universal Access to Quality Tertiary Education Act. Kini gitaag uasb og Unified Financial Assistance Syste for Tertiary Education (Unifast) alang sa school year 2018-2019.

Base sa datus sa CHED 7 anaa sa 228,859 ang total nga enrolment sa maong school year.

Alang sa unang tuig sa pagpatuman sa maong balaod, nigasto ang CHED og P2 bilyones alang sa mga tinun-an sa Central Visayas.

Alang sa Free Higher Education sa mga state/local universities and colleges niabot sa 85,240 ka mga tinun-an ang nakabenipisyo niini diin mayoriya gikan sa Cebu nga niabot og 39,534 ka mga estudiyante; 18,893 sa Bohol; 25,370 sa Negros Oriental ug 1,443 sa Siquijor.

Sa Tertiary Education Subsidy o kining mga nagtungha sa pribado nga unibersidad nga gilibre sa gobyerno, niabot sa 16,017 ang nakapahimulos niini sa Central Visayas.

Kadaghanan gihapon gikan sa Sugbo nga niabot og 9,902; 4,399 sa Bohol, 2,180 sa Negros Oriental ug 303 sa Siquijor.

Alang sa FHE nigasto ang CHED og P1.2 bilyones ug kapin sa P800,000 milyones sa TES.

Matod ni CHED 7 Regional Director Dr. Maximo Aljibe nga wa na’y rason ang tinun-an nga dili magtarong sa iyang pagtungha tungod kay gawas sa tuition mamahimong makadawat pa kini og P40,000 isip allowance alang sa ubang gastohan matag tuig.

Ang Universal Access to Quality Tertiary Education Act gipirmahan ni Presidente Rodrigo Duterte niadtong Agusto 2017. (HBL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph