PIPILA ka mga oras human ang ambulansya sa San Fernando gi-ambush sa City of niadtong Lunes sa gabii, mga alegasyon nga kini nagdala og mga gamit sa pagpamalit og mga boto sa mga Reluya nitumaw.
Apan si San Fernando vice mayoral candidate Ricci Reluya, sa lahi nga interbyu, nanghimakak sa mga alegasyon, sagad gihimo sa mga kritiko sa iyang inahan, San Fernando mayor Lakambini “Neneth” Reluya.
Si Dr. Alfredo Manugas, San Fernando health officer, nidason usab sa pamahayag sa batan-ong Reluya.
Matod ni Manugas nga ang upat ka mga trabahante sa lungsod nga sakay sa ambulansya gikan sa pampublikong ospital sa Dakbayan sa Sugbo naghatod og pasyente.
Mga alas 10 sa gabii sa Lunes, upat ka mga tawo nga sila si Armand Navarro, 37, driver ug kaubang trabahante nga si Harold Ballermo, 37; Janice Rosal, 35; ug Rosalie Cajes, 37, nagbiyahe gikan sa Cebu City padung sa San Fernando sakay sa ambulansya dihang sila girakrakan sa mga nagsakay og puti nga van sa Inoboran, Dakbayan sa Naga. (JKV sa SunStar Cebu)