Human sa taho nga gi-harass ug gihulga na ang mga volunteers nga maghatod og libreng tubig sa mga apektadong konsumidor sa Metropolitan Cebu Water District (MCWD), nihangyo na ang water utility sa ilahang konsumidor nga unta patas-an pa ang pasenya sa panahon sa pagrasyon sa tubig.
Sa pamahayag sa MCWD, nakadawat na sila og taho nga gi-harass ilahang volunteers.
“We have received reports of some residents harassing and threatening the volunteers manning the water trucks or firetrucks resulting in some volunteers opting not to help deliver water anymore.”
Subay sa pagnihit sa supply sa tubig, aduna’y mga trucks ang nagrasyon karon sa mga barangay nga apektado diin nitabang ang nagkadaiyang firetruck sa paghatod sa maong libre nga tubig.
“In coordination with MCWD, the trucks withdraw water from specific sources identified by MCWD.”
Paghulagway sa MCWD nga mas maglisod na hinuon sila og paghatod sa tubig sa apektado nga dapit kon ingon ani ang masinati sa mga volunteers.
“We need everyone’s cooperation and understanding amid these very hard times.”
Aron masiguro nga makapundo gihapon og tubig ang kining konsumidor nila nga apektado sa pagnihit sa tubig, gisugdan ang rationing schedule niadtong Abril 27.
Apan tungod sa nagpadayon nga pag-ubos sa Jaclupan Facility niini sa dakbayan sa Talisay, mas nilapad ang mga dapit nga wala na gyu’y agas sa tubig.
Mao nga mga trucks nga aduna’y tubig ang ilahang gipadala sa mga dapit nga apektado.
“We apologize for the inconvenience. Rest assured, MCWD is working nonstop in finding ways to ration the available but very limited water supply.”
Gipahibawo usab sa MCWD nga nagdugang sila og water trucks aron mas daghan ilahang mahatod sa mga konsumidor nga wa na’y agas.
Sa kasamtangan, nag-abang pa ang MCWD niining mga truck samtang gahuwat sa ilahang mga bag-ong pinalit.
“We encourage the public to be part of the solution through ensuring order during distribution and for patience and cooperation with the volunteers, who only have the intention to serve everyone.”