KUMPIYANSA si Misamis Oriental Governor Bambi Emano nga dako kaayo og pagsalig ang mga investors dinhi sa Misamis Oriental gumikan sa iyang maayong pagpadagan ug dili kilkilan.
Matud ni Emano nga share worthy kaayo ang report sa Board of Investments ug sa Department of Trade and Industry nga ang misulod nga kapitalista sa Northern Mindanao ang miabot og P228 bilyon ug ang sa Misamis Oriental P172 bilyon niini nga sobra sa katunga.
"Sobra katunga sa gisulod nga negosyante nga mas misalig karon sa Misamis Oriental kay dili nato sila gatulisan ug dili gapangayoan, that's why they decided to invest in us," matud ni Emano.
Kung mahitabo sab nga usa na ug adunay consolidation sa taxes sa munisipyo ug probinsya, dako kini og atraksyon sa mga investor tungod kay dili na sila maglisod sa pag comply sa ilang mga rekisitos nga dili mapasa pasa.
"I think mas gwapo ma-consolidate. It would attract investor kay in BOI that imagine dili pa gani mi kaayo coordinated people and investors are trusting us already. What more if we are be able to consolidate the more that they will be able to trust us," matud ni Emano.
Dugang niini nga lauman niyang daghan pa ang mubobo nga investor sa lalawigan human gani karon ubay-ubay ka mga ground breakings ang iyang mga natambongan dinhi sa lalawigan kon diin kini nga mga kompanya nagkinahanglan og mga libo-libo ka mga trabahante ug prayoridad ang taga Misamis Oriental.
Gawas niini, iyang gibutyag nga wala sab sobra nagpahimulos ang mga investors sa lalawigan tungod kay nagpabilin ang preserbasyon sa lalawigan labina nga sa este nga bahin mamatikdan nga ga-kolor green pa ang palibot nga maayo kaayo sa kinaiyahan.