SUPERBALITA CAGAYAN DE ORO

NUJP Oro chapter gi-reorganisa

ARON mas bug-at pa ang pagpanalipod sa luwas nga pamamahayag, hilabina dinhi sa siyudad sa Cagayan de Oro ug lalawigan sa Misamis Oriental.

Gi-organisa og balik ang National Union of Journalists of the Philippines-Cagayan de Oro Chapter (NUJP) aron mas mahatagan proteksyon ang mga media workers ug matubag ang unsa man nga ilang panginahanglan.

Tulo ka tuig nga giingong lie low ang maong grupo, hinungdan niadtong Martes, gireorganisa kini og balik ug nagpili og bag-ong mga officer nga maoy molihok ug manalipod sa organisasyon nga mapadayon kini sukad nasugdan kini tuig 1986.

Atol sa re-organization, adunay mga bag-ong miyembro ug bag-ong mga opisyal nga napili.

Gitambongan kini mismo ni NUJP Media Safety Office head JB Deveza ug National Directorate Secretary General Dabet Panelo.

Napiling chairperson si Pamela J. Orias gikan sa SunStar Cagayan de Oro; vice chairman si Bobby Espinosa Lagsa, gikan sa Rappler; secretary general si Nef Luczon; treasurer si Àprìllè Lorenzana sa Bombo Radyo Cagayan de Oro; auditor si Alwen Saliring sa SunStar Cagayan de Oro; ug PRO mao si Lawrence Geralde gikan sa Bombo Radyo.

Matud ni Pam Orias nga hagit alang kaniya ang bag-ong posisyon.

"Exciting at the same time terrifying kay dako kaayo siya nga tahas nga kinahanglan nato i fullfill," matud ni Orias.

Matud ni Orias nga kinahanglan adunay koneksyon ug lig-on nga koordinasyon sa tanan media sa siyudad.

Kinahanglan sab makakat-on sa mga trainings para maprotektahan ang kaugalingon sa mga hulga ug mga risgo niini nga pagtrabaho.

Bukas sab ang organisasyon sa media nga molakip niini apan giklaro nga kadtong mga tigpamaba o mga tigsulat sa mga pulitiko o government agency ug uban ahensya ang dili mahimo lakip niini.

Ning bag-o, pipila sa mga sakop sa prensa nalambigit sa ug naakusahan sa red tagging, hinungdan apil kini sa hatagan og pagtagad sa organisasyon.

"Mao bitaw ni nga ato gyod ipaabot sa atong gobyerno, katawhan nga ang media usa lamang ka watchdog, kinahanglan magkahiusa ang media para isinggit kining mga abuses, threats sa atong mga kauban. I remind nato nga kita mga watchdog nga moreport ug dili kita himoung target," matud ni Orias sa SunStar SuperBalita.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph