GILAUMANG masubhan na si Bobby Ray Parks Jr. sa PBA inig sugod sa Commissioner’s Cup karong Mayo 19 sa Mall of Asia Arena.
Si Parks moduwa sa Blackwater Elite nga makigbatok sa Merlaco Bolts sa premirong duwa.
Ang Meralco gigiyahan ni coach Norman Black, kinsa usa sa mga ninong ni Parks.
Tungod niini, adunay migawas nga hugonhugon nga posibleng mabalhin si Parks sa Meralco aron moduwa ubos sa paggiya sa iyang ninong.
Apan giklaro sa Blackwater management nga wala sila’y plano nga i-trade ang ilang No.2 overall pick sa miaging tuig. (ESL)