SUPERBALITA CEBU

Kura paroko sa Mandaue gikawatan

SUGBO. Gikawatan si Monsignor Daniel Sanico, kura paroko sa National Shrine of Saint Joseph sa Dakbayan sa Mandaue, sa iyang lawak samtang ni-concelebrate sa Pontifical mass sa kapistahan ni San Jose. (SunStar foto/ Fe Marie Dumaboc)

KURA paroko sa National Shrine of Saint Joseph sa Dakbayan sa Mandaue ang gikawatan samtang ni-concelebrate sa Pontifical Mass atol sa kapistahan ni San Jose sa Barangay Centro, Dakbayan sa Mandaue, Miyerkules sa buntag, Mayo 8.

Si Monsignor Daniel Sanico, 61, ang gikawatan sulod sa iyang lawak sa ikaduhang andana sa kumbento.

Gibana-bana nga nahitabo ang pagpangawat alas 10:45 sa buntag base sa nakuha sa closed-circuit television camera (CCTV) nga gimuntar sulod sa kumbento.

Matud ni Police Colonel Julian Entoma, direktor sa Mandaue City Police Office, sa gihimo nga inisyal nga pakisusi sa Centro Police, ang mga suspetsado ang nisulod sa kuwarto sa monsignor ug nikawat sa pitaka niini.

Sa pitaka, aduna'y P20,000 nga cash, driver’s license, mga ATM cards, credit cards ug uban pang identification cards.

Gikawat usab ang usa ka cellphone sa pari ug usa Note 8, lakip na ang mga yawe diha sa kwarto.

Sa kuha sa CCTV, aduna'y duha ka lalaki nga gitumbok sa kapulisan nga posibleng suspetsado sa pagpangawat kay wala'y bisan usa nga anaa sa kumbento ang nakaila.

Ang duha ka mga lalaki nagsul-ob og gray nga T-shirt ug blue nga T-shirt.

Apan giklaro usab ni Entoma nga ila pang gipalawoman ang pakisusi kon dili ba usab inside job ang nahitabo.

Matud ni Entoma nga dili gyud tig-lock sa iyang lawak si Sanico.

“Kompyansa lang siguro siya, naanad siya nga dili ra man-lock. Wala na daw kabantay ang mga anaa sa kumbento kon duna bay nisu'd sa kuwarto sa pari, tungod sad sa kadaghan sa mga bisita kay fiesta man lage. Pero sa kuha sa CCTV, naa sila'y gitudlo nga kadudahan ang lihok nga supposed to be dili dapat sila kaabot diha sa parte sa kombento. Wala sad daw sila kaila,” gitug-an ni Entoma sa Superbalita Cebu.

Dugang ni Entoma nga ipa-enhance nila ang kuha sa CCTV aron sa pag-ila sa maong mga suspetsado.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph