HUMAN sa hingpit nga pagpanamilit sa Boston Celtics sa 2019 National Basketball Association (NBA) season, kusog karong mikatap ang mga hungihong nga posibling mobiya na sa team ang ilang star pointguard nga si Kyrie Irving kinsa mamahimo - sama sa ubang mga star - mahilakip na usab sa mga free agency.
Kagahapon, ang Celtics yanong gidominar ug gipalagpot sa Milwaukee Bucks, 116-91, sa Game 5 sa ilang Eastern Conference semifinal series nga natapos, 1-4, nga baraha.
Si Irving kinsa gipagawas na sa nahabiling 8:40 segundos sa fourth quarter sa Game 5 sa dihang daw sa misubaw na og maayo ang dominasyon sa Bucks, adunay usa ka tuig nga player option sa Boston nga maghatag kaniya og $21 milyones sa sunod season, apan daw og sa kuli na kaayo nga kini iya pang gamiton.
Mahidungan kaniya sa free agency mao sila si Kevin Durant, Jimmy Butler, Kawhi Leonard ug Klay Thompson. Ang nga gipanghinganlan gituohan usab nga mangita ug makapag og laing team nga makahatag kanila sa saktong tanyag ug katagbawan.
“I’m just trying to make it back to Boston first, safely,” matod ni Irving atol sa postgame interview. “Get to see my family. Decompress. Do what human beings do.”
Ang New York Knicks maoy usa sa mamahimong aktibo unya sa summer. Kini tungod sa kadako pa sa haw-ang sa ilang salary cap nga dul-an sa $75 million nga igo kaayong makatanyag ni Irving ug Durant.
Ang Los Angeles Clippers gibanabana nga aduna usay $60 million samtang ang Brooklyn, Dallas, Atlanta ug Indiana moabot usab ngadto sa $50 million ang matanyag.
Ang Los Angeles Lakers — bisan sa kadako sa kontrata ni LeBron James mahimo gihapon makakuha og mga players nga may dagkong pangalan sama kang Thompson nga usa usab sa ilang giibid-ibiran.
Kon kahinumdoman, sa usa ka pre-season event didto sa Boston arena diin siya maoy nahimong sentro sa atraksiyon, si Irving nagkanayon, “If you guys will have me back, I plan on re-signing here.”
Hinuon ang Celtics andam na kon unsay desisyon ni Irving. Gani ilang naobserbahan nga bisan tuod nga na-injured si Irving, ang Boston nakapakita og maayong dagan.
Dihay mga higayon nga 14-17 ang ilang record sa 31 ka duwa nga diha sa Irving pero diha usay 12-3 ang ilang baraha sa mga duwa nga wala ang hanas nga pointguard. (JBM)