SUBO nga gipahibalo ni Misamis Oriental reelectionist Governor Bambi Emano nga ang pulo sa Mindanao ang dili pa makapa-host og Palarong Pambansa sa tuig 2022 ug mahitabo ang paghost sa pulo sa umaabot tuig 2023 pa.
Matud ni Emano nga kining 2022 mao unta ang iyang katapusang termino kung palaron nga makapanerbisyo og balik sa umaabot eleksyon ug iyang gilantaw nga niining tuiga sab matapos ang iyang gilaraw nga katukoran sa pragmatic sports center dinhi sa probinsya.
Ang sports center nga gibulag-bulag ug gipahimutang sa nagkadaiyang lungsod sa lalawigan partikular sugdan sa distrito dos sa probinsya.
Apan wala kini nakapaluya sa gobernador tungod kay giingon niini nga mahitabo ang Palarong Pambansa o dili dinhi sa lalawigan, iyang ipadayon sa pagtukod ang pragmatic sports center karong tuiga.
"The way I look at it, 2023 pa mobalik sa Mindanao ang paghost sa Palarong Pambansa unya akong term kon modaog ko, 2022 lang kutob, but it will not stop us from building pragmatic sports center if the school board will allow us," matud ni Emano ug niingon nga usa kini sa iyang ibilin nga legasiya sa probinsya nga makahost og palarong pambansa sa umaabot hilabina nga mao kini ang usa sa iyang gipangandoy sa iyang pagpamunoan.