SECTIONS
Monday, July 22, 2019
SUPERBALITA CAGAYAN DE ORO

Kapin 80 ka sakong mga poster nalangkat

KAPIN 80 ka mga sako na ang nalangkat sa Commission on Elections (Comelec) sa siyudad sa Cagayan de Oro sa gipahigayong pagpanglangkat sa mga materyales sa kandidato nga gipangpatapot sa ginadiling dapit ug sobra ang gidak-on niini.

Matud ni Atty. Ramil Acol, city election officer, nga daghan na gyud ang ilang mga nabaklas kauban ang kapulisan ug Department of Public Works and Highways (DPWH) matag adlaw nga martes ug biyernes gawas pa usab sa kapulisan nga matag estasyon.

“Kalooy sa Diyos sa among kabahin sobra naman siguro to’g 80 ka sako naa sab sa PNP (Philippine National Police) ang ila ang sa City Comelec, composite na coordination with PNP ug sa DPWH, daghan na kaayo amo naman ng gi-inventory perteng daghana gyud,” matud ni Acol.

Gidugang pa niini nga unta dunay task force nga mugnaon gikan sa nasudnong buhatan nga maoy motutok sa pagpasaka og kaso batok niining mga kandidato nga nakalapas diha sa ilang gabayan ilabi na sa pagbutang sa mga posters nga dili designated area o gitugotan sa ilang buhatan lakip na usab ang gidak-on niini nga sobra usab sa ilang gitugot.

Gidugang pa niini nga dili na niini kaya tungod kay mao lamang ang abogado ug kung mao pa kini ang mag-prosecutor ug magkuha og mga ebedensiya dugang nga naa pa ang mga administratibo nga trabaho.

“Kung naa tay task force ana nga e-create para who focus on that purpose nga ma filelan og kaso katong nag-violate gwapo unta kaayo,” dugang niini.

Giingong kinahanglan unta nga mapasakaan og kaso ang mga nakasupak sa bala-od apan lage dili usab sayon kung mopasaka og kaso ug kung ang basehan nga nagbitay lang ang ngalan sa kandidato halos tanan nga nagpapili sa siyudad ang mga nakasupak sa bala-od.

Samtang anaa usab sa mokabat 4,602 ka mga posters sa Oplan Baklas ang nalangkat sa Cagayan de Oro Police Office gikan sa bulan sa Marso hangtod Abril sa duha ka mga distrito.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph