PIPILA sa mga Arafura Games 2019 champions gikan Davao City mihinumdum sa ilang mabulukong kasinatian ug memorya samtang atua sila sa Darwin, Northern Territory, Australia.
Ang mga manlalangoy nga sila Ray Martin Yarra, Lora Micah Amoguis, Ivo Nikolai Enot, ug Joshua del Rio uban ang jumper Mark Anthony Caseñas ug thrower Bruce Pernia, pulos mibitbit og bulawan alang sa Team Philippines ang mapasalamaton sa suporta sa Filipino community sa Darwin.
Si Del Rio, 16, sa Ateneo de Davao University, nga mipauli og usa ka bulawan, tulo ka plata ug tulo ka bronse, nagkanayon, “They’re very friendly (Filipino). Mapagbigay sila. They shared a lot to us. Ang babait nila. May nagbigay nga sa amin, tigdadalawang kilos ng chocolates.”
Si Enot, 13, sa Colegio de San Ignacio, nga miangkon og tulo ka golds ug lima ka silvers, nagdugang nga ang Filipino community sa Darwin ang manggihatagon kaayo.
“May na-experience kami namimili kami sa supermarket then nakita kami ng Filipino community naawa sa amin, nilibre na kami sa pinamili namin then pumupunta sila sa competition namin para mag-support,” ni Enot.
Ang 14-anyos sab nga si Yarra sa Abbas Orchard, nga milabni og unsa ka gold, usa ka bronse, nga ang mga Pinoy sa Darwin mihatag kanila og pagkaon, kwarta ug uban pa.
Si Amoguis, 13, sa Abbas Orchard, mapasalamaton sa init nga suportang nadawat nila samtang nakigtigi sila didto.
“They are still studying but they keep supporting us, trying to bring us to the venue and they cooked us food,” ni Amoguis nga mikolekta og tulo ka gold, lima ka silver ug usa ka bronse.
Si Enot nagdugang nga ang di sab niya malimtan mao ang unang pagdaug og bulawan alang sa tim.
“Yung marinig ko po na pinatugtog ang Philippine national anthem nung nanalo ako ng gold, memorable po talaga yun sa akin pati making new friends and the Filipino community there.”
Dugang sab ni Yarra, “Trading shirts and pins with other delegates from other countries was also memorable for me.”
Samtang si Caseñas, 18, Senior High School student sa University of Mindanao (UM), nagkanayon nga ang pagdaug sa men’s long jump ug triple jump golds ang wa damha.
“I had a recurring knee injury but I’m grateful it was not triggered during the Games,” ni Caseñas.
Si Bruce Pernia, 19, sa Holy Cross of Davao College (HCDC), nga midaug og gold sa men’s javelin, “They invite us to dinner and special celebration, gave us chocolates and toured us around Darwin.”
Ang 91 ka Pinoy gikan Davao City, Cagayan de Oro City, Davao del Norte, General Santos City, Bacolod City ug Palawan mitig sa Arafura Games 2019 nanghakot og 31 ka golds, 51 silvers ug 34 bronze.