Talento: 2019 Elections

GOOD day, higala! Kawaykaway ang mga hilas dinhang dapita, ha ha!

Adunay kahinam ang akong flat nga dughan kay usa ka tulog na lang, eleksiyon na mga kaigsuonan. Wala god seguroy dakung epekto ang akong nag-inusarang boto apan DAKU kini nga prebilihiyo mopili sa lider nga gusto nako.

Bitaw, mas dali ang pagboto sa lokal nga mga kandidato kay dali man natong mabantayan ang ilang mga agi kontra sa mga senador. Maayo ra man god nga makita nato ang mga senador kausa sa tulo ka tuig sa atong lokalidad kay didto man sa kaulohan ang ilang buhatan.

Apan bisan pa wala sila pisikal kanato nagapakita, importanteng sayron nato ang ilang mga agi kay basig sila ray nabulahan sa boto nato, pare.

Sure na ko sa akong five senators, gobernador, bise gobernador, duha ka board member, kongresman, mayor, ug upat ka mga konsehales.

Ang ubang puwesto - pamalandungan pa gayud nako pa’g maayo. Dinhi man god sa among lokalidad - hayahay ang kasagarang naa sa puwesto kay nahulog ra og “dawat-limpyo.” Ang basura, baha ug kriminalidad ug uban pang isyu dinhi sa Panabo kay wala pa gihapon nasolusyunan, migo, mao dili puwede nga magbentot-bentot ko sa akong boto.

Sa nasyonal pod, makainit og ulo kanang kandidato nga nagsayaw ra og Budotz, migo, kay sayawan ra niya atong boto. Wala man lang nitanyag sa iyang mga plano aron sa kalamboan sa nasud nato!

Naa tuod brayt nga kandidato apan mas tiguwang pa sa akong lolo. Kahakog na ang tawag niini kay dapat mosuporta na lamang siya sa ningsunod nga henerasyon, di ba?

Taga- Mindanao ug mga seguradong suporter ni Tatay D (PRRD) ang akong iboto nga senador kay sila ang magpalig-on sa liderato niya. Ako ra ni ha... pamili mo’g inyo.

Pipila sa mga Katoliko mora’g nagparada’g rosaryo sa kadalanan alang sa Otso Diretso nga mga kandidato. Mas brayt pa mo sa Ginoo??? Pag-sure mo oi! Nindot nga mahilambigit ang simbahan sa pag-edukar sa katawhan apan dili ang pagbuot kung kinsa ang magustohan sa among dughan. #votewisely

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph