Way martial law: Sinas

WALAY martial law nga gipatuman ang kapulisan sa siyudad sa Sugbo sukwahi sa pagduda ni Mayor Tomas Osmena sa iyang social media page tungod sa giingong pagpang-harass sa mga police ngadto sa iyang mga kaalyado sa politika.

Matod ni Police Brigadier General Debold Sinas, pangulo sa Police Regional Office 7 nga normal ang sitwasyon sa dakbayan ug igo lang naghimo sa trabaho ang kapulisan.

Dili na unta mo komento pa si Sinas sa mga birada ni Osmena apan nagtuo siya nga na sobrahan lang kini sa kanunay nga pag tan-aw og salida sa Netflix.

Nagkomedya pa ang heneral nga kung adunay martial law sa Sugbo ang tanang mga sakop sa media naa na sa bilangoan karon.

“Kung naay martial law, do you think maka gawas mo sa balay? Do you think maka interview mo sa akoa? Tanan mo naa sa prisohan.” matod ni General Sinas.

Nagtuo si Mayor Osmeña nga insidente sa bukid diin kadto lang mga kaalyado niya sa politika ang target sa kapulisan mihimo nag balaod militar ang CCPO. (AYB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph