MGA senior citizen, persons with disabilities ug si bisan kinsa nga dili buot makasinati og grabe nga kaigang o kainit sa ilang pagbotar karong Lunes, Mayo 13 nga piniliay, gitambagan sa weather bureau nga mas maayo mosayo.
Kay gilantawan sa Philippine Atmospheric Geophysical Astronomical Services Administration (Pagasa) nga adunay 36 degrees Celsius nga maximum temperature. Anaa sa 44 degrees Celsius nga kainiton ang matagamtaman kun heat index sa tawo.
Gani, matod ni Engr. Al Quiblat, ang chief sa Pagasa Visayas, nga posible mosaka pa kini ngadto sa 47 degrees Celsius, ilabi na sa crowded nga lugar kun nagtapok ang mga tawo.
Nasinati usab karon sa nasod ang inter tropical convergence zone (ITCZ). (FMD)