KINSAY magtoo nga mahimong magka-loveteam sa pelikula silang Julia Baretto ug Gerald Anderson?
Daghan na og nakapartner si Julia apan mas ni-klik siya sa loveteam nila ni Joshua Garcia kun “Joshlia.”
Apan sa karon dili una si Joshua ang mahimong partner sa aktres. Pahuway una ang ilang labtim, kay may bag-ong leading man ang Julia Baretto.
Korek! Si Gerald Anderson ang partner niini sa pelikulang “Between Maybes” nga didto pa gi-shoot sa Japan.
Sa movie si Julia isip Hazel napadpad sa Japan human nakasinati og mga problema sa iyang career isip usa ka artista. Sa Japan sila nagkita ni Gerald sa papel ni Louie, nga susama sa dalaga nakasinati sab og heartbreak sa pamilya.
Unsa kahay mahitabo sa ilang panagtagbo? Mao kana ang atong nuntan sa pelikulang “Between Maybes” sa Blacksheep production ug sa direksyon ni Jason Paul Laxamana.
Magmalampuson kaha ang tandem nilang Julia ug Gerald? Hinoon way kwestyon kang Gerald kay human sa labtim nilang Kim Chiu, may napamatud-an na kini dihang gi-partner siya nilang Sarah Geronimo, Arci Muñoz, Pia Wurtzbach ug uban pa sa pelikula nga gisuporthan sa fans. ay’g saba!
Sa laing bahin, matud ni Direk Laurice Guillen sa pelikulang “Man and Wife” nga kon nakauban ug nakatrabaho na niya ang bidang lalaki dinhi nga si Gabby Concepcion sa mga proyekto niadto sa “Gabby- Sharon” ug “Gabby-Janice de Belen” movies, iya na usab nga nahimamat niadto ang bidang babaye dinhi nga si Jodi Sta. Maria.
Una niyang nahimamat ang Jodi sa audition sa pelikulang gidirek usab niya niadto nga mao ang “Santa Santita” apan si Angelica Panganiban ang napili. Mao nga sobrang gikalipay ni Direk Laurice nga iyang nakatrabaho si Jodi sa “Man and Wife” nga gisalida na karon sa mga sinehan, ay’g saba!
“Home sweetie home” ni-exit na, pero gisugdan na sab kagahapon ang bag-ong “Home Sweetie Home, extra sweet”.
Bida gihapon ang naka-move on na nga si Julie (Toni Gonzaga) uban sa kompletong pamilya sa bag-ong neighborhood, ug mga pasiaw ug komedya nilang Bayani Agbayani, Edgar Mortiz, Rio Locsin, Yamyam, Fumiya, Alex Gonzaga ug Vhong Navarro, ay’g saba!