Rockets mitiurok; gipalagpot sa Warriors

HUMAN masiruhi sa first half, mibawi og gihurot ni Stephen Curry ang tanan niyang kalantip aron tipun-ugon ang 33 puntos sa second half nga maoy naggiya sa Golden State Warriors aron palagputon ang Houston Rockets, 118-113, sa Game 6 sa Western Conference semifinals sa NBA.

Ang defending champion Warriors nga mitapos sa semis, 4-2, sa makausa pa, miabante na usab sa Western Conference finals diin ilang paabuton ang modaog sa laing series tali sa Denver Nuggets ug Portland TrailBlazers nga sa kasamtangan natabla, 3-3. Ang Game 7 duwaon ugma didto sa korte sa Denver.

“If that game didn’t personify Steph Curry, I don’t know what does,” kini maoy gipamulong ni Warriors coach Steve Kerr sa dihang iyang gikahinabi ang ginikanan sa iyang star player nga sila si Dell ug Sonya Curry.

Ang pagbuto ni Curry sa second half maoy igo na kaayong nakatapak sa luna nga temporaryong nabakantihan ni Kevin Durant kinsa wa makaduwa tungod sa angol niini sa bagtak.

“A night like tonight doesn’t happen without belief in myself,” padayag ni Curry.

Si Klay Thompson midugang og 27 puntos alang sa Warriors kinsa nakataak sa finals sa lima ka sunodsunod nga season ug kaupat ka higayon ilang napalagpot ang Rockets.

“That was an absolute grind,” dugang ni Kerr. “We’re thrilled to be moving on and excited to have this one in our rear-view mirror.”

Si James Harden mipuga og 35 points ug 27 usab ang nadugang kang Chris Paul alang sa nitiurok nga Rockets. (JBM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph