Umagad ni Calbayog bise mayor nakalingkawas sa ambush

Calbayog City, Samar. (Google Maps)
Calbayog City, Samar. (Google Maps)

CALBAYOG CITY, Samar -- Umagad sa bise mayor sa Calbayog City sa Samar ug drayber niin ang gibanhigan, alas 4 sa hapon, Sabado, Mayo 12.

Dead on the spot ang drayber nga si Joseph Ortega, taga Barangay Carmen, Calbayog City, Samar.

Naka-survive naman ang umagad ni Bise Mayor Diego Rivera nga si Manuel Sajul, 48, P1-Barangay Capoocan, Calbayog.

Ang duha ka biktima nagsakay sa usa ka Mitsubishi Adventure nga itom nga may plakang NOB 193.

Pag-abot sa lugar nga nahitaboan gipamusil sa duha ka wa mailhing lalake ang mga biktima.

Naigo ang drayber samtang si Sajul ang nipuli ug mao'y nimaneho sa sakyanan padung P6-Tinambacan.

Tayming nga nasugatan ni Sajul ang kapulisan sa Calbayog pinangulohan ni Police Major Cirilo Apetin nga nagpatrolya ug iya kining giduol.

Gidala pagdali sa kapulisan si Sajul sa tambalanan samtang gihuwat ang taga Scene of the Crime Operatives aron masusi ang patayng lawas ni Ortega.

Nilusad dayun og hot pursuit operation ang kapulisan para masikop ang responsable.

Padayon usab karon ang imbestigasyon sa kapulisan sa posibleng motibo sa pagpamanhig. JKDP

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph