ANDAM ang kapulisan sa bisan unsa nga mga posibleng hitabo atol sa Eleksyon Lunes, Mayo 13.
Gipahigayon ang simulation exercise sa pagpamomba nga panghitabo niadtong Mayo 11 atubangan nga bahin sa Commission on Elections (Comelec) sa Gomez-Burgos street sa siyudad sa Cagayan de Oro.
Sa pakighinabi sa SunStar Superbalita kang Police Lieutenant Colonel Mardy Hortillosa, tigpamaba sa Cocpo, nga gamay lang ang kulang diha sa komunikasyon.
"Actually gamay lang kaayo mga naa ta sa 95% naa tay gamay sa communication nasayop lang ta, although naningkamot ta nga wala gyud mahitabo pero lang simbako naay mahitabo at least ready atong kapulisan," matud ni Hortillosa.
Ang maong kalihukan gitambongan ni Police Brigadier General Carlito Feliciano, director for Police Operation sa Eastern Mindanao, kinsa gikan pa sa Davao ug nilupad lamang sa siyudad aron masuta kung unsa ka andam ang kapulisan sa dakbayan.
“Nianhi gyud siya diri para ani nga activity kung unsa ka ready atong kapulisan during kung naay mahitabo ingon ani karong election although naningkamot ta nga walay mahitabo,” dugang niini.