TULO ka adlaw sa dili pa ang eleksyon gihulipan ang Regional Director sa Police Regional Office (PRO)-Northern Mindanao niadtong adlaw’ng Biyernes, Mayo 10, diin gipahigayon ang turnover of command ceremony sa Camp Alagar, Barangay Lapasan, Siyudad sa Cagayan de Oro nga gipangunahan ni Philippine National Police Chief Oscar Albayalde.
Si Police Brigadier General Rafael Santiago Jr. gikan sa Camp Crame kinsa director sa Retirement and Benifits ug usa ka Ilocano nga taga Tuguegarao ang nihulip kang PRO-Northern Mindanao Director Police Brigadier General Timoteo Pacleb kinsa dakong tahas ang paingnan gumikan sa exemplary performance sa rehiyon mahimo kining bag-ong director sa Intelligence Department sa Camp Crame.
Si Police Colonel Surki Sereña, kinsa tigpamaba sa PRO-Northern Mindanao, niingon nga ang pagbalhin ni Pacleb wala’y isyu ug kontrobersya.
"I don't think naay controversy diha, it's a normal movement because the director of intelligence retired as of yesterday it has to be feed up so naa may vacancy our regional director who is doing for graduation na sa iyang two year term as RD kulang nalang usa ka bulan mao siya ang nakita nga best fitted para sa posisyon sa kaulohan,” pasabot ni Sereña sa interbyu sa SunStar Superbalita.
Giklaro sab niini nga tungod kay tulo na lamang ka adlaw ug piliay na sa paghulip niini walay pulitika nga nalambigit niini.
“Actually walay pulitika nga involved walay other issues nga involved,” dugang ni Sereñas.
Gibutyag sab niini nga sa pagbiya ni Pacleb preparado na ang pwersa sa kapolisan alang karong adlawa nga piliay.
“Actually prepared naman tanan atong pwersa nakakasa na tanan for election actually kining adlawa sa iyang paghulip supervisory nalang atong himoun,” dugang ni Sereñas.
Butyag niini nga kalabot kon naay movement o re assignment nga ipatuman sa bag-ong director wala pay pronouncement niini ug mas pokos usa malinawon nga piliay.
“Wala paman pronouncement kon naa changes ug kalabot sa election preparation supervision nalang as to personnel on the ground,” panapos ni Sereñas.