GITUOHAN nga ang video post ni JM de Guzman niadtong Mayo 11 diha sa iyang Instagram account posible nga tubag sa pasangil nga siya nangulata sud sa bar sa miaging semana.
Igo lang nag-peace sign si JM sa maong video clip nga adunay caption: “Who’s hiding?” ug hastags nga #solidevidence #youregonnagetit #CCTV ug #wearepeacefulharmlesshumanbeings nga adunay heart emoji, natala sa Fashion Pulis.
Usa ka real estate broker ang mihingalan sa actor sa ABS-CBN ug kauban niini nga langyaw sa pasangil nga gitabangan siya og kulata sud sa resto bar sa Quezon City niadtong Mayo 7.
Si P/Capt. Juan Mortel sa Criminal Investigation and Detection Unit sa Quezon City Police District miila sa biktima nga si Pitt Norman Zafra, 35, samtang ang mga suspek ginganlan nga sila si JM de Guzman ug usa ka foreign national (identity wa pa matino).
“Batay sa mga nakasaksing kostumer sa resto bar, nakita umano nilang tumayo at pinuntahan ng foreigner na kasama ni JM ang biktima sa table nito at sa hindi malamang dahilan ay sinuntok ito...
“Sumunod na lumapit ang aktor sa table ng biktima subalit sa halip na awatin ang kaniyang kasamang foreigner ay sinipa pa umano nito sa likuran si Zafra,” tipik sa saysay sa nakasaksi. (B)