2 sikop sa vote buying sa San Jose

San Jose, Northern Samar map. (Google Maps)
San Jose, Northern Samar map. (Google Maps)

SAN JOSE, Northern Samar -- Duha ang nasikop sa kapulisan gumikan sa vote buying didto sa Lungsod sa San Jose sa Northern Samar, alas 2:20 sa hapon, Dominggo, Mayo 12.

Giila ang duha nga si Liza Gonzaga, 32, taga Barangay Dao, San Jose, Northern Samar ug Salvador Arcebuche, 57.

Matud sa report sa Police Regional Office (PRO)-Eastern Visayas, nakadawat og report ang mga sakop sa Regional Mobile Force Company (RMFB)-Eastern Visayas bahin sa maong kalihukan.

Sa ilang pagsusi, naaktohan ang duha nga nihimo sa pagpamalit og boto.

Nakompiska sa kapulisan ang nagkadaiyang voters list, envelopes nga duna'y sulod nga cash ug mga pangan sa kandidato.

Naa na sa kustodiya sa kapulisan ang mga dinakapan.

Samtang sa Maasin City sa Southern Leyte, nakasibat dayon ang unom ka tawo nga nihimo usab sa pagpamalit og boto.

Alas 9 ganinang buntag, si Police Major Nonito Zuasula, Intelligence Chief sa Southern Leyte Police Provincial Office ang nitawag sa hepe sa Maasin nga si Police Lieutenant Colonel Mark Nalda.

Gitug-an ni Zuasula kang Nalda nga dunay nahitabong vote buying sa Barangat Bactul 1, Dakbayan sa Maasin.

Sa pagsusi sa kapulisan, nabung-kag ang pundok ug nikaratil pagpanagan ang mga mamalitay og boto.

Narekober sa kapulisan gikan sa area ang mga vote buying items. (JKDP)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph