PATAY ang usa ka gitouhang sakop sa New People’s Army, kini human sa sunod sunod nga operasyon sa kasundalohan ubos sa 8th Infantry Battalion (IB) batok sa 40 ka gituohang sakop sa Sub-Regional Command 1 ubos sab ni NCMRC Lino Namatidong, niadtong Biyernes, Mayo 10, sa lungsod sa Impasug-ong, Bukidnon, niaging adlaw.
Gika-report nga kining walhong grupo ang daw gapanghadlok sa katawhan pinaagi sa pagdikta kinsa ang iboto sa piliay nga gi-report sab dayon sa mga residente ngadto sa kasundalohan.
Sa paspas nga akyos nahitabo ang mga pagbinayloay og bala nga miresulta sa pagkakaplagi sa lima kg anti-personnel mine.
Apan ang daling misibat ug miplastar sa laing posisyon, maoy hinugdan nga laing 20 minutos na usab sa pagbinayloay og bala ang nahitabo nga maoy hinungdan nga usa sa ilang kauban ang nakabsan sa kinabuhi.
Narekober ang upat ka mga fully-loaded magazines sa M16A1 Riffle, usa Baofeng radio, baterya, bagpack nga adunay mga dokumento.
Ang patay’ng lawas giturnover sa barangay sa dapit aron mapahiluna ang patayng lawas niini. Gitouhang aduna pay laing samdan sa ilang grupo tungod sa mga lama sa dugo nga nagkalat sa encounter site.
Si Lieutenant Colonel Ronald Illana, commanding officer sa 8th Infantry Battalion, nipaabot sa iyang dakong pahasubo sa kabanay sa NPA.
“This could not have happened if they heeded our call of surrender,” matud niini ug nipaabot nga kanunay silang gapaabot sa mga walhong grupo nga biyaan na ang kinabuhi sa kabukiran ug motahan balik sa sabakan sa gobyerno labina karon dunay mga programa ug benipisyo nga gahulat kanila.
Sa iyang bahin sab ni 403rd Brigade Commander sa Bukidnon Col. Edgardo De Leon nga unta biyaan na sa walhong grupo ang kalihokan.
“It’s time to end your terroristic activities; for how many years you are fighting against the government and yet not a single barangay gives their full support to you. Stop terrorizing the communities and violating the International Humanitarian Law, otherwise, we will use all our resources on a non-stop military operations until you opt to lay down your arms,” sulti niini.