AGUSAN DEL NORTE -- Usa ka gituohang top commander sa New People’s Army (NPA) uban ang iyang anak nga lalaki ang napatay sa laing engkwentro nga natigayon tali sa mga tropa sa 23rd Infantry (Masigasig) Battalion, nga kontrolado sa 402nd Infantry Brigade nga nakabasi sa Bancasi, dakbayan sa Butuan, niadtong mga alas 11:30 Sabado sa buntag, May 11.
Ang NPA commander giilang si alyas “Bong” kinsa tinuod nga ngalan mao si Gerardo Hyde Sembrano kinsa giingong usa ka Commanding Officer sa Front Operational Command, Guerrilla Front (GF) 4A, sa North Central Mindanao Regional Committee.
Iyang ana nga mao si alyas “Benot” kon Alvin Sembrano ang giingong miyembro sa NPA’s liquidation unit.
Niabot ngadto sa lima ka minuto ang pagbinayloay og bala sa nagkalain laing dapit nga maoy hinungdan nga nanibat ang mga kauban niini ug nagbilin sa area og usa ka 45 kalibre, 40 pistol, pito ka magazines nga adunay buhing bala, tulo ka cellphone uban ang duha ka patayng lawas.
Giingong si Alyas Bong ang responsable sa nagkalain laing krimen ug pagpangilkil sa Caraga Region. Nagkadaiyang warrant of arrest ang giisyu batok niini sama sa kasong murder, kidnapping ug Serious Illegal Detention, Multiple Attempted Murder, Robbery with Frustrated Homicide, Arson ug uban pa.
Nalambigit sab kini sa pagpangharass sa Patrol Bases sama sa Bacolod City Police Office- 5, San Mateo, Butuan City tuig 2018, ug Dulag Patrol Base sa Butuan City tuig 2017. Responsable sab kini sa giingong pagpangsunog sa ekipo sa Barangay Bit-os, Butuan City tuig 2017.
Si Lieutenant Colonel Francisco Molina Jr., kinsa commanding officer sa 23 Infantry Brigade, nipaabot sa pahasubo apan unta ang walhong grupo motahan na sa og balik sa gobyerno.
“The loss of lives could have been prevented if they chose to abandon the armed struggle and return to the folds of the law. I also encourage remaining members of CTGs to go back to the mainstream society to avoid what happened to their leader Bong. Our government is always open to help you through the Enhanced Comprehensive Local Integration Program (E-Clip),” matud ni Molina.