USA ka 17-anyos nga lalaki ang nakuhaan og gituohang shabu atol sa nga buy bust operation sa Police Drug Enforcement Group sa Ponce 2, Barangay Carreta, Cebu City, atol sa adlaw sa piniliay, Mayo 13.
Matod ni Lieutenant Colonel Glenn Gonzales, ang PDEG Visayas chief, nga ilang nasakmit gikan sa menor ang 200 gramos nga shabu diin mokabat kini og P1.3 milyones base na usab sa Dangerous Drugs Board (DDB) value. Nakakuha usab sila og boodle money nga mubalor og P300,000.
Ang maong dinakpan gidala kini sa Waterfront Police Station 3 sa Women and Children Protection Desk section.
Matod ni Gonzales nga ilahang ikompirma kon menor de edad ba gyud ang maong dinakpan ug ibalhin nila sa pasilidad sa social welfare.
Ang maong buy bust nahitabo sa lugar kun diin adunay insidente sa sunog ang nahitabo niadtong Sabado sa kadlawn, Mayo 11. (JJL)