TALIWALA sa malampuson nga pagpahigayon sa ikatulong edisyon sa Cebu Governor's Cup inter-cities/municipalities basketball tournament nga natapos niadtong Sabado, Mayo 11, 2019 sa University of San Carlos gym, dakbayan sa Sugbo, nagpahipi ang mga mabulokon nga aksiyon atol championship game 21-under tali sa defending champion Talisay City Aquastars ug Mandaue City Ballers nga gisaksihan sa liboan nilang tagsatagsa ka mga dumadapig.
Ang Aquastars mibuntog sa Ballers, 74-69, aron kuliton ang kasaysayan nga unang team nga nahimong back-to-back champions sa bag-ong lega sa Sugbo nga gitumong alang sa mga kabatan-onan.
Sa kadaugan, gawas sa tropeyo, ang Talisay misakiyo sa ganting salapi nga P500,000 samtang P300,000 usab ang giuli sa Mandaue.