MIPAGAWAS og reaksyon si Arwind Santos nga ang bersyon sa 2019 Philippine Basketball Association (PBA) Philippine Cup tali sa San Miguel Beermen ug Magnolia Pambansang Manok Hotshots usa ka “scripted” aron makaabot og deciding Game 7.
Nahimo kining reyalidad dihang gipanglampornas sa Beermen ang Hotshots, 98-86, niadtong Miyerkules sa gabii sa Araneta Coliseum sa Game 6 nga maoy nakatabla sa sa finals series, 3-3.
Adunay mga sumosunod sa PBA nga ang engkuwentro sa magsuong teams gituyo nga moabot sa tumoy alang sa kaayuhan sa liga.
Sa wala pa nagsugod ang series, ang mga magduduwa ug mga opisyal sa duha ka mga puwersa ninghimakak na niini apan padayon ang mga sumosunod sa pagsaway.
“Scripted? Hindi siguro,” matod ni Santos sa interbyu s Spin.ph. “Hindi natin maiiwasan yung mga taong ganyan, nag-iisip kasi sila, sabi nila same company, hindi ganun eh. Hindi naman sila yung nasa posisyon namin. Hindi nila nakikita yung pang-araw-araw namin, kung ano ginagawa namin.”
Gitataw ni Santos nga bisan usa ra ang tag-iya sa duha ka mga puwersa apan sulod sa korte, lahi na ang estorya gumikan kay parehong gustong modaog ang duha ka mga puwersa.
“Pareho kaming masasaktan pagka natalo kami, kung hindi namin nakuha yung championship. Kaya walang bigayan dito, malabo yun,” dugang pasabot ni Santos.
“Hindi yan parang candy or makikikain ka lang or ililibre mo. Pwede yun eh, pero ito hindi eh. Pamilya namin nakataya dito.”
Gani kagahapon, ang duha ka mga kampo nag-ensayo lang gihapon bisan ang tibuok Pilipinas nagpahigayon og eleksyon.
“Pagka-boto namin, diretso na kami sa practice. Ako, boboto rin ako, malapit lang naman ako, diyan ako sa Quezon City,” asoy ni San Miguel coach Leo Austria.
“Kailangan eh, kailangan namin mag-practice....after that, saka kami boboto,” batbat sab ni Magnolia coach Chito Victolero.
Gipasabot ni Victolero nga ang uban niyang mga magduduwa wala nakauli sa ilang tagsatagsa ka mga probinsya aron unta moboto gumikan sa ka importante sa Game 7 nga ipahigayon ugma.
Game 6 box score:
San Miguel (98) - Fajardo 23, Lassiter 20, Ross 17, Standhardinger 16, Romeo 9, Santos 8, Cabagnot 3.
Magnolia (86) - Jalalon 17, Reavis 16, Sangalang 14, Brondial 12, Lee 10, Barroca 6, Dela Rosa 5, Herndon 5, Melton 4. (ESL)