ANG Samahan ng mga Musikeros sa Davao, Inc. (SAMADhI) subling mipili og mga opisyales nila nga mogiya sa grupo subay sa pagpatuman sa nagkadaiyang programa ug proyekto alang sa komunidad.
Ang grupo nga namugna di lamang sa hiniusang interes sa musika apan lakip na tumong sa kalinaw ug kalambuan sa Mindanao pinaagi sa ‘cultural and artistic craft’ nga mao ang musika.
Ang pung nga SAMADhI gikan sa Sanskrit word nga “samadhi” nagpasabot “nirvana” o “trance” o, “Oneness with God.”
Ang organisasyon, nga labing dako nga grupo sa musical artists sa rehiyon, nahimong pormal nga non-stock, non-profit organization niadtong Oktubre 2007.
Ang mga miyembro nagkahiusa sa ilang tumong nga ipromotar ang Davao ang kultura niini ug musika.
“It seeks to showcase the region’s cultural and musical heritage, and endeavors to encourage Dabawenyo musicians to play in the world of live music entertainment as proud Dabawenyo artists,” dugang sa ilang suwat pamahayag.
Ang paghural sa mga bag-ong opisyales, gihimo Abril 6 sa After Dark sa Ecoland.
Si Atty. Niel Dalumpines ang nagsilbing Inducting Officer.
Anaa sab sila Judge Gerardo Braganza, Peter Tiu Lavina, Atty. Jun Dela Victoria, Sir To Antonio Escueta, Romeo Binas, Bert Rosales, Peewee Luzada, Bebot Ferdinand Alcantara, Oyamat Nga Oyamot, Benny Echavia, Ronolfo Popong Landero, Minda Legaspi, Ykcir Yob Bolcat, Jun Pelagio G. Buenaobra isip mga bisita.
Luyo sa concerts ug shows, ang organisasyon nagahimo sab og community service ug musical workshops alang batan-on ug promising Mindanawons musical artists.