SECTIONS
Sunday, May 26, 2019
SUPERBALITA CEBU

Canvassing sa Ormoc ipadayun hapon sa Mayo 14

LEYTE. Temporaryong gihunong ang canvassing sa Dakbayan sa Ormoc, Martes sa buntag, Mayo 14, ipadayun kini sa hapon sa maong adlaw . (John Kevin Decio Pilapil)

ORMOC CITY, Leyte--Temporaryo nga gihunong ang canvassing sa Dakbayan sa Ormoc tungod kay gi-reconfigure pa ang SD Card sa Barangay Guintiguian, Martes sa buntag, Mayo 14.

Sa 198 ka clustered precincts, 197 na ang na-canvass ug ipadayon kini ala una Martes sa hapon, Mayo 14.

Matod ni abogado Ramon Dadulla Jr, City Board of Canvasser (CBOC) Chairman, ila na gidala sa Commission on Elections hub sa rehiyon ang maong SD Card.

Sa paghimo ning balita, wala pay mando gikan sa ilang national office bahin sa pag reconfigure.

Si abogado Adelito Solibaga, usa sa mga abugado sa kampo ni Gomez nihangyo nga sa ala una sa hapon ipadayon ang canvassing kung pananglit maayo na ang SD Card Martes sa buntag.

Niuyon ang CBOC sa maong hangyo apan mag depende gihapon kini kung madali ang pag resolba.

Alas 4:30 sa buntag, labaw gihapon si incumbent Mayor Richard Gomez nga dunay 77,573 ka botos samtang ang kaatbang nga si Eric Codilla dunay 29, 795.

Sa pagka Bise Mayor, labaw usab si incumbent Vice Mayor Toto Locsin nga dunay 79,278 mga botos samtang ang kaatbang nga si Jingjing Codilla dunay 24, 586.

Labaw usab sa botos ang napulo ka konsehales ni Gomez.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!