MANILA--Maingong suwerte ang usa ka veteran actor tungod kay taliwa sa campaign period, regular performer siya sa pipila ka kandidato nga iyang gisuportahan. Bongga ang iyang talent fee.
Pero kaniadto pa, suki na sa casino si aktor ug usa ka gabii, samtang gikan siya sa usa ka campaign sortie, mikatol ang iyang mga tudlo ug nidiretso siya sa sikat nga hotel sa may Paranaque para mag-casino.
Suwerte si aktor tungod kay nakuha niya ang jackpot. Milyon-milyon ang iyang nakabig that night. Doble ang suwerte sa aktor tungod kay one week after, ang iyang gikapuyo naman ang ming-jackpot sa casino. Milyon-milyon sad ang nadag-an.
Patapos na ang kampanya. Kanunay nga gitawgan si aktor para sa mga nahabiling kampanya sa kandidatong iyang gisuportaran pero deadma na siya tungod kay halos 24 hours na siya sa casino.
Og kada gabii, milyun-milyon sad ang iyang pilde. Ingon man ang iyang partner. Sa kasamtangan, nahurot na ang milyun-milyung nadag-an sa mag-partner sa casino. Ni wala silay napundar sa ilang nadag-an.
“Ewan ko ba sa kanila, sa dinami ng kanilang pinanalunang pera, sana man lang ay bumili sila ng kahit 3 condo unit at pauupahan nila ito. Okey na yun, mabubuhay na sila ng maayos kapag may umuupa na. Eh wala, dumaan lang sa kanilang mga palad ang milyun-milyung salapi na parang bula, pareho silang waldas, ako ang nanghihinayang sa kanila,” matud pa sa usa ka taga-showbiz nga nakahibaw sa panghitabo og nagka-casino sad pero very minimal lang ang taya.
Kinsa si aktor nga nawagtang nga daw bula ang milyones sa iyang mga palad?
Kontrobersiyal siya kaniadto. Puro mga adunahan ang iyang nakarelasyon kaniadto pero way nilungtad.
Sa kasamtangan, usa ka non-showbiz ang iyang gikapuyo og nag-swak sila tungod kay pareho silang mahilig sa casino.