GIPANGULOHAN sa Sugboanong si Dondon Hontiveros ang mga kanhi Philippine Basketball Association (PBA) nga mingdaog isip city councilor sa miaging eleksyon.
Si Hontiveros, kinsa kanhi sakop sa national team, maoy nahimong No.1 councilor sa South district sa Cebu City diin nakahakot kini og 158,129 ka mga boto.
Ang nagsunod ni Hontiveros nga si Dave Tumulak nakakuha og 153,226 ka mga boto.
Ang multi-titled UAAP coach nga si Franz Pumaren maoy nag-una sa 3rd district sa Quezon City.
Ang kanhi PBA MVP nga si Ato Agustin midaog sab sa San Fernando City sa Pampanga.
Si Paul Artadi naa sa ikaduhang dapit sa first district sa San Juan City. (ESL)