SECTIONS
Sunday, June 16, 2019
SUPERBALITA CAGAYAN DE ORO

Todino: Na-edukar na ba ang mga botanti?

Pro Bono

MOABOT sa 345,358 ka mga botante sa Cagayan de Oro. Pero, ambot pila lang niini ang mobotar.

Sa kinatibuk-ang mibotar, pila lang kaha niini ang andam gyud – nagpasabot nga nakapili na sa ilang kandidato ug wala mag-agad sa mga sample ballot nga gipang-apod-apod diha sa presinto.

Apan, basi sa atong obserbasiyon daghan o mayoriya gyud sa mga botante nga midawat og mga sample ballot. Nagpasabot ba kana nga wala pa sila maka-desisyon?

Importante man gud nga andam na ang mga botanti sa ilang pag-adto sa presinto. Mao bitaw dunay taas nga panahon sa pangampanya sa mga kandidato aron mahashasan sila pag-ayo.

Unya, diay sa adlaw sa piniliay, wala pa gihapon maka-desisiyon ang mga botante?

In fairness sa uban, nagdala gyud sila og lista sa mga kandidato nga ilang botohan. Nagtimbang-timbang na nila ang kandidato nga angay ibutang sa puwesto.

Kon ingon ini unta ang kinaiya sa tanan, nagtuon, naminaw ug nag-analisar sa mga plataporma, kasinatian, batasan ug baruganan sa usa ka kandidato, makapaabot na og maayong resulta sa eleksiyon.

Apan, kon nag-agad ta sa tingog sa atong mga lideres, walay pag-aninaw sa background sa kandidato nga gipasuportahan, nan, kon dunay palpak nianang kandidato ikaw ra maoy mabasol.

Ang dakong pangutana mao nga milampos ba gyud ang Comelec sa ilang pag-edukar sa mga botante kon unsaon pagpili sa mga kandidato.

Dunay mga pundok sama sa simbahan nagpagawas og criteria pagpili og kandidato. Apan, kanang criteria nga gipagawas nagpedendi ra pud kon makatabang ba kining sa ilang interest. Wala nila gilantaw ang kinatibuk-ang interest sa kadaghanan.

Hinaot lang ta nga mogawas gyud ang tiunay nga mga kandidato nga tinuod nga moalagad ug moserbisyon sa publiko.

Hagit nato niadtong modaog karong piniliay, pangita mo og paagi nga mahunong na kining pagpangdikit og poster, sticker ug pagbitay sa mga banner ug pag-apod-apod og sample ballot panahon sa eleksiyon.

Tun-i ninyo ang paagi sa ubang nasod, walay kalat sa basura gikan sa mga election materials apan maayong pagka-edukar ang mga botanti.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!