GI-DOMINAR sa Partido Demokratiko Pilipino (PDP-Laban) ang labing ulahing partial unofficial nga resulta sa Commission on Election (Comelec) diin anaa na sa 387 na ka mga presinto nga na-transmit sa pagsulat ning balita.
Ang siyudad sa Cagayan de Oro dunay 401 ka mga polling centers ug anaa na sa 96.5 porsinto ang na-transmit.
Sa gipahigayong City Board of Canvassers sa session hall sa City Hall sa siyudad sa Cagayan de Oro niadtong adlaw sa eleksyon, Mayo 13, nag-una sila si Mayor Oscar Moreno ug ang running mate niini nga si Vice Mayor Rainier Joaquin “Kikang” Uy.
Si Moreno dunay nakuhang boto nga 153,708 gisundan ni Jose Gabriel “Pompee” La Viña dunay nakuhang 87,390; Felix Borres, 977 ug Benjamin Contreras 975.
Samtang sa Vice Mayor nag-una usab si Uy sa boto nga 137, 701 ug gisundan ni Vicente Emano kinsa gihulipan na kini ni Nadya Emano-Elipe sa boto nga 97, 657.
Sa pagka-kongresista usab sa distrito uno nag-una usab ang kasmatangang kongresman nga si Rolando “Klarex” Uy sa boto nga 81, 595 gisundan ni Ian Acenas, 23,010 ug Gil Banaag sa boto nga 3,652.
Sa pagka kongresista sa distrito dos nag-una si Rufus Rodriguez 80,337 gisundan ni Yan Lam “Alam” Lim sa boto nga 45,654 ug Roger Villazorda sa boto nga 1, 375.
Samtang sa pagkakonsehal sa siyudad sa distrito uno nag-una si Edna “Inday” Dahino (PDP-Laban) 76,594, Jay Roa Pascual (PDP-Laban) 63,166, Roger Abaday (PDP-Laban) 59,854, Zaldy Ocon (PDP-Laban) 57,686, George Goking (PDP-Laban) 55,222, Reuben Daba (PDP-Laban) 53,120, Lordan Suan (Padayon Pilipino) 51,938 ug Romeo Calizo (PDP-Laban) 49,190.
Sa distrito dos usab nga pagkakonsehal nag-una si Girlie Balaba sa boto nga (PDP-Laban) 72,591, Malou Gaane (PDP-Laban) 71,869, Ian Mark Nacaya (PDP-Laban) 66,515, Suzette Daba (PDP-Laban) 64,448, Teudolfo “Bong” Lao (PDP-Laban) 63,955, Eric Salcedo (PDP-Laban) 63,504, Jocelyn “Bebot” Rodriguez (CDP) 59,905 ug Edgar Cabanlas (PDP-Laban) 53,757.